لبس العيد بالصباح وبالمساء ..

السلام عليكم ورحمة الله وبركاته
كل عام وانتو بخير ينعاد علينا وعليكم بالصحه والعافيه ( متأخره بقوه بس ماعليه :\ )
من فتره صورت ملابسي العيد بس انشغلت ولا قدرت انزلها الا هالوقت
المهم هذي تنسيقاتي لملابس العيد بالصباح وبالمسا ..



1- لبس الصباح ..

فستان طويل مخطط أخذته من زارا , الوانه مناسبه مررا للصباح
قماشه استرتش وموديله يكون ماسك عالجسم
له فتحه على جنب من الركبه لتحت ..
باللبس رهييييييييب مررا , اول مرا البس شي زي كذا بالعيد العاده فساتيني قصيره
بس هالمره كسرت الروتين .

لقطت لكم صور من موقع زارا عالنت لصور الفستان
عشان تشوفونه اوضح لأن تصويري ماش :(

طبعا ذي البنت معصقله بس أنا الحمدالله ماليته شوي
- شعري خليته طايح سويته بالسراميك وفرقه بالنص ( شعري طوله وسط و قطعه وحده)
- السلسال شريته من فورايفر 21 ..
- الشوز أخذته من ألدو ..

ياربي أنا هاليومين طايحتلكم بالتايقر بشكل مو طبيعي
تقدرون تقولون أنه عشقي هالايام :) .

2- لبس الليل..

بما أننا اجتمعنا عند جدتي بالليل وماكانت جمعه كبيره زي الصباح عايدنا عند عماني وياكثرهم ( اللهم زد وبارك :) )
عشان كذا لبست بنطلون رسمي وبلوزه ,, بس طبعا مو شرط تلبسين فستان عشان تصيرين كشخه ورسميه
تقدرين تنسقين لبس بنطلون وبلوزه بشكل حلو وانيق وبيعوضك عن الفستان
انا دايما بالعيد لازم لبس الصباح فستان وبالليل بنطلون مدري وش الحكمه بس أنتو زيي ولا أنا بس ؟ :|

- البلوزه من زارا
- البنطلون كحلي بس ماني متذكره اسم المحل

والشوز متناسق مع الالوان أبيض وكحلي

- لبست فوق البلوزه knit cardigan الجكيت الي يكون خفيف قطني وطايح
لاحظت كثير انه موضت هاليومين , شريته من فورايفر 21

هذا شكله , وزي ماقلت لكم خفيف مرا وباللبس طالع خيال
كنت لابسته اول مارحت بس يوم طفشت منه حذفته على جنب :\


هذي ملابسي أتمنى عجبتكم التدوينه
أدعموني بتعليقاتكم اذا استاهل , وشكككرا :)

4 منتجات كورية - أول تدوينه :$

السلام عليكم ورحمه الله وبركاته 

واقول على بركة الله نفتتح أول تدوينه لي عن المنتجات الكوريه وياجعله منزل مبارك , أفيدكم وأستفيد منكم واشارككم تجاربي وحوستي والي يعجبني عموماً..المهم نرجع لموضوعنا :$قبل فترة طلبت من موقع أربع منتجات كوريه ونزلتها بالانسقرام وقلتلكم بس اجربها راح اكتب عنها

-نبدأ باول منتج - بخاخ توني مولي للوجه

الصراحه هالمنتج ماطلع زي ماتوقعت سوو له ضجه كبيره وقالو انه يعطي لوك مائي للوجه ( زي بشرات الكوريين فيها لمعه )لما ابخه كلها كم دقيقه وينشف ولا كاني حطيت شي بس الحلو فيه لما احس ان بشرتي جافه ابخ عليها يعطيها شوية أنتعاش , مركب من مويه و زيت وراح تلاحظون هالشي ف لازم ترجين العلبه  زين عشان يتجانسو , وريحته حلوه .

2 - بيضة المسام 

صابونتين على شكل بيض تجي بعلبة تشبه العلب الي يحطون فيها البيض تجنن :) الصابونه السمرا تغسلين بها وجهك في المسا والبيضا للصباح حبييت هالمنتج يعطي البشره نضاره وما يجففها زي الصوابين الثانيهجد احس وجهي منور لما استخدمهاا ,هو برضو يزيل الحبوب السودا ويصغر المسام بس الحمدالله انا وجهي مافيه هالاشياف عشان كذا مقدر احكم عليه من هالناحيه بس كشكل عام عجبني المنتج من ناحية الشكل و الوظيفه .

3- كريم الباندا السحري

أجمممل شي شريته وراح أرجع اشتريه مره أثنين وثلاثه :$ أهو كريم يعطي بياض مؤقت للبشره ويروح بعد كم ساعه استخدمه ليديني اكثر شي يعطيها بياض جميل ويوحد اللون وربي تصير يديني كانها قطنه حتى ماما عجبها صارت تروح وتجي عليه .طبعا لو انتي سمره مارح ينفع لك يصير لونه رمادي على البشرات السمره . 

4- مثبت الشعر

مثبت عايدي زي اي مثبت ثباته كويس بس مايدوم لفتره طويله برضو ما يخلي الشعر متماسك وهذا الزين فيه ينفع للطلعات العايديه دوام او مناسبه صغيره .

بس هذي النهايه أتمنى تعجبكم التدوينه وهالمنتجات تلاقونها عند متجر لينو شوب بالاستقرام

وشكرا .